Re, in chest câs, al sarà stât un sorenon di persone (soradin; o pûr dât a une persone imponente o puartade par comandâ).
Par fâ un esempli o ricuardìn che a Trasaghis, intai agns de nestre infanzie, al viveve un Tita Re. Domandant ai paisans lis resons di chel sorenon, o vin verificât, e no je la prime volte, cetant che i nestris sclariments sui nons a puedin jessi lontans de realtât: in chest câs Re al vignive di Re dai Nâs“ parcè che chel Tita a 'nt veve un pardabon maestôs.
Tal 1579 Iacomo de Re da Fanna, Salvador de Re de Batistin da Fanna (chest ultin ancje Dor da Batistin da Fanna).
Cognon avonde slargjât tal Venit; inte nestre regjon si lu cjate a Sacîl, Fontanefrede, Roncjis di Monfalcon, Monfalcon, Çopule, Pordenon, Cjanive, Davian (1453 Danielem dictus Re a Tesis).
fonts
1571 Magister Salvador da Rè in Chiesa S. Martino di Fanna (ASU CRS 219/1); 1634 presint a Cjanive Antonio Da Re. I da Re che a son cumò a Cjanive a son rivâts di Cjavolan tal 1851 (Luchini, 1997); 1670 Francesco da Re di Fanna (Corgnali); 1689, ai 10 di Març don Michele Da Re q. Domenico da Castel Roganzuolo – si fa patrim. eccl. (Filze); 1694, ai 10 di Zenâr Leonardo q. Bernardino Da re da Spilimbergo – dispensa da pubblic. per matrim. con Maddalena Bianchi da Udine parr. Duomo (Extraordinariorum); 1822 Andrea da Re Zorgno di Giacomo nato a Corbanese nel 1795, Cimadore, domic. in Sacile, sposa Paolina Fael di Valent. di Sacile (A.P. Sacîl).
Viodi ancje del Re, De Re e Re.